Umukinnyi w’imbere wa Paris Saint-Germain, Ousmane Dembélé, yegukanye igihembo cya Ballon d’Or 2025, ashimangira umwaka w’imikino wa gihangange yagize mu 2024-2025. Ni ubwa mbere uyu mufaransa w’imyaka 28 atwaye iki gihembo, aba n’umufaransa wa gatandatu mu mateka wacyegukanye.
Dembélé yigaragaje nk’umutima wa PSG mu gihe iyi kipe yegukanaga Treble ya mbere mu mateka yayo: igikombe cya Ligue 1, Coupe de France ndetse na UEFA Champions League. Mu mwaka w’imikino umwe gusa, yatsinze ibitego 35 anatanga assists 16 mu mikino 53 yose.
Ubu buryohe bw’ibihembo by’uyu mukinnyi bwanashimangiwe no kwegukana:
- Ligue 1 Player of the Year
- UEFA Champions League Player of the Season
Mu gutorwa kwa Ballon d’Or, Dembélé yasize inyuma umwana w’igitangaza wa FC Barcelona, Lamine Yamal, wahise ahabwa Kopa Trophy ku nshuro ya kabiri yikurikiranya.
Ibihembo bya 2025 byahaye isura nshya ruhago y’u Burayi, aho Dembélé yabaye icyitegererezo cy’uko umukinnyi ashobora kurenga ibihe bikomeye by’imvune n’ibibazo maze akagira umwaka w’imikino udasanzwe.
